(¯`·._.·(♥منتديات ربيع الشاشهـ إمارات رزق♥)·._.·´¯)

(¯`·._.·♥ربيع الشاشهـ إمــارات رزق♥·._.·´¯)
 
الرئيسيةالبوابةمكتبة الصورالتسجيلدخول

شاطر | 
 

 السندريلا كندا حنا في لقاء حصري

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
123456789

avatar

ذكر
عدد الرسائل : 27
المكان : في هم الدنيا
العمل/الترفيه : طالب
تاريخ التسجيل : 13/08/2009

مُساهمةموضوع: السندريلا كندا حنا في لقاء حصري   الأحد سبتمبر 27, 2009 12:21 pm

السندريلا كندا حنا ... في لقاء حصري لموقع كفربو

--------------------------------------------------------------------------------

في زيارة خاطفة لضيعتنا ... كفربو ... وفي إطلالة ساحرة لنجمة ساحرة ... تضيء أيامنا في بعض أوقات العتمة



وما أكثرها .... فكانت شمسنا المضيئة في ذلك اليوم الذي قابلتها ... يوم الاثنين

وكانت القمر المضيء لعتمتنا ... عند وصولها قبل منتصف الليل إلى بلدتنا ... كفربو... يوم الأحد ...
فقلما أولئك الساحرات ... التي تستطيع استبدال الشمس بالقمر في ساعات ... قضتها في ديارنا وربما في لحظات ...
مازالت تلك الفتاة الرقيقة الهادئة كما عرفتها منذ سنين ... ومازالت تلك الفتاة البسيطة الناضجة كما علمتها الحياة والترانيم ...
عندما حدثتها ... تأكدت عندها لماذا دخلت في زمن قياسي قلوب الملايين ... فما زالت هي تلك الفتاة الرائعة وتلك الفتاة الساحرة التي دائماً تلفنا بالشوق والحنين
هي الصديقة المخلصة ... لبلدتها ولأهلها ولأصدقائها المخلصين ... إنها الصديقة ... إنها الساحرة ... إنها المخلصة ... إنها الدلوعة ... إنها همسة من همسات العاشقين والمبدعين
سندريلا الشاشة السورية .. الرائعة كندة حنا ... في سطور وفي لقاء حصري وخاص لموقع كفربو ولكل المحبين







في صباح يوم الاثنين وعلى فنجان القهوة المعتاد الذي يرافقني دائماً عند إجراء المقابلات استمتعت بحديث ودي رائع مع صديقة رائعة ومع مبدعة كبيرة انطلقت من بيننا لترفع اسمها ولترفع اسمنا عالياً وهذا هو نص المقابلة الحرفي للقائي معها الذي آثرت أن أقدم سطوره باللهجة العامية لأبتعد عن بعض التقاليد والرسميات


أهلا فيكي كندا والله اشتقنالك طولت الغيبة علينا كتير ...!!

والله انا اشتقتلكن كتير وما عم شوفكن للأسف بس بنفس الوقت أنا محظوظة ومبسوطة بهادا الأسف مو لأني مابدي شوفكن بس لأني عم اشتغل أعمال انشاءالله دائماً تشتاقولي فيها أكتر وضيعتي تحبني أكتر من خلال انعكاس الصورة بالتلفزيون للناس لأنه طبعاً هني الأساس بكل نجاحاتي انشاالله ..

مبسوطة كيندا من شغلك لهلاء ؟

أنا لما تخرجت ما انفسح المجال حتى فكر شو بدي لأنو اللي بدي ياه كان دائماً موجود وهو العمل بشكل أساسي + رضى أهلي + محبة الناس بالضيعة هون
كنت محظوظة بكثرة الأعمال من بعد تخرجي من المعهد على عكس الكثيرين .




طيب شو السبب الأساسي كندا واللي ساعدك بالعمل بسرعة ؟

السبب الأولي هو خيار المخرج لسبب معين ، وأنا أثبتت نفسي ولذلك توالت الأعمال بالنسبة لمخرجين تانيين قدموها إلي ، وكمان الشكل بيلعب دور بالموضوع ولكن الشكل وحده مابيكفي .

كندا نحنا بمقالتنا أو تقريرنا عنك بموقعنا ذكرت بإنه بهالفترة هي لازم تكوني بالجزائر ؟

مظبوط بس للأسف الشديد يعني كان في مخطط عمل جزائري سوري مع المخرج فراس دهني وأنا بشارك بالبطولة المطلقة بهادا العمل وكنا مفروض نسافر من شهر للجزائر ولكن صار في مشكلة من المنتج المنفذ للعمل بسبب عدم وصول الصرفيات اللي منحتاجها للعمل وبالتالي توقف العمل حالياً وصار مشاكل مع التلفزيون الجزائري بسبب المنتج ، بس لهاللحظة المخرج المنفذ والمنتج بسوريا عم يحاولوا يحلوا المشكلة وموعودين بهالأسبوع تنحل المشكلة وانشاءالله اذا انحلت المشكلة بيصير العمل برمضان جاهز.

كندا إنتي لهلاء ببداية الطريق بالتمثيل .. شو حاسة لهلاء من ناحية العمل ومحاولة تحقيق النجاح ؟

خايفة كتير من المستقبل ، لأني حاسة بمسؤولية كبيرة بصراحة لأنه قدمت شوية أعمال لاقت استحسان الناس فالمسؤولية بتصير عليي من هلاء إنو تكون أعمالي كلها بنفس السوية وماينزل مستوى العمل لأنه جداً مؤثر هالعامل بالنجاح .

كتير من الناس كندا حتى من الضيعة مابيعرفوا كيف بلشتي الدخول بهالمجال من وقت وجودك بالضيعة ؟

بالبداية دخلت هالحكاية كلها من رقص السماح مع رنا عيسى وبعدها قدمني السيد نضال جوهر بأحد المسرحيات بعدها عطاني الثقة واشتغلنا مع بعض كتير شغل حلو ضمن المهرجانات لشبيبة حماه ، فلما إجا الدكتور عجاج سليم وقلي أنو قدم للمعهد لأنك بنت حساسة وظريفة ، دخلت براسي الفكرة وصار في حكي كتير إنو المعهد مو منيح وكذا وكذا بس أهلي كانوا واقفين جنبي
المعهد بصراحة كتير ظريف وكتير مهم للي بيعرف يستفيد منه وهو كان بداية كتير مهمة بحياتي


لما بتكوني بمواقع التصوير أو بأوقات العمل شو بتتذكري أكتر شي بالضيعة كندا ؟

أشياء كتيرة بالنسبة للضيعة ، لما بشتغل دائماً بفكر وبنتظر ردود الفعل بالنسبة للناس من خلال أهلي وهلاء حديثاً من خلال الموقع وأحلى شي إنك تشتغل وتحب الناس شغلك

طيب كندا طبيعة العمل والتمثيل صعبة ، كيف بتلاقيها ؟

الشغل مرهق واللي مابحبه بيتعب كتير " أحياناً من 7 الصبح حتى 10 في الليل " بس أنا بحب شغلي كتير وعندي وقت فراغ قليل ولكن أنا بشوف أصدقائي وبرجع على البيت بالشام بشوف إخواتي وعم أعمل دورات انكليزي





ثم تابعت قائلة : وعم أعمل دورات ليونة لياقة بدنية بالإضافة للقراءات اللي هيي قليلة بهالوقت بسبب ضيق الوقت
واخواتي خصوصاً ما تأثروا كتير بغيابي عنهن لأني بعد العمل دائماً معهم بالبيت أو منطلع شي مشوار

وبعد استراحة قصيرة تابعت الحديث وسألتها عن السيارة اللي برا البيت

مبروك كندا السيارة .. ماشاء الله التمثيل كل هالقد بيجيب مصاري بسرعة ؟

فقالت ضاحكة : الله وكيلك بالتقسيط .

( معليش معك معك بتطلعينا مشوار بالمرسيدس بعدين )

طيب هاتي لنشوف وين بدنا نشوفك برمضان على التلفزيون ؟

حارة على الهوا .. اخراج رافي وهبة
ممرات ضيقة ... إخراج محمد شيخ نجيب
على رصيف الذاكرة مع سامي الجنادي
ومشاركة بحلقة دور بطولة بمسلسل أهل الغرام الجزء التاني
وكمان مشاركة بحلقة من حكم العدالة على التلفزيون
حالياً عم صور مع هشام شربتجي مسلسل وجهة نظر بدور بنوتة صغيرة إسمها بيسان
ومع الإستاذ فراس دهني بمسلسل عندما تتمرد الأخلاق

بس أنا رح كون انشالله مع المخرج ريمون بطرس بشهر تشرين التاني بافتتاح مهرجان السينما بالشام
وانشالله ينعرض الفيلم الثاني دمشق يا بسمة الحزن

شو أكتر شي بتتذكري بالضيعة لما تسافري كندا وبتحسي بحنين لإله ؟

بدك الصراحة ... نادي الكاراتيه اللي بحبه وبشتقله لهلاء ...
" يالله معقولة كل هالحلاوة وهالنعومة كانت تتدرب كاراتيه .. !! "
وبشتاق للرصيف اللي برا بيتنا لأني كنت دائماً حب شوفة الناس
وبشتاق للعمل اللي ساويناه مع بعض لأني بصراحة أنا بحس إنو العمل اللي ساويناه سوا ماركوس " الزواج الباكر " أهم من كتير أعمال درامية عملتها لهلاء بالتلفزيون وكتير شغلات بحب عيدها وساويها من نوعية العمل اللي ساويناه مع بعض بكل صراحة لأنه كان فيه عفوية وإحساس أكبر خصوصاً ببعض فقرات مسرحية " الزواج الباكر " اللي قدمناها بصالة الكنيسة الجديدة
وكتير بحن لهديك الأيام وعلى فكرة أنا حابة عيد نفس العمل مع بعض ولكن بصوتنا " لايف "
" لأنه العمل السابق كان صوت مدبلج بصوتي وصوتها وليس إلقاء مباشر للجمهور " لأني حاسة هلاء أنو ممكن يصير أقرب كمان للناس وبقدر إتعامل مع المشهد بشكل أفضل بعد خبرتي واستخدام أدواتي في التعبير بشكل أفضل ... ولازلت أحتفظ بهذه النسخة حتى الآن

تكرم عيونك كندا .. والموقع بيتكفل بمصاريفه "

شو بتقولي لموقع كفربو كندا اللي رح يكون دائماً متواجد معك ورح يغطي كل أخبارك ونشاطاتك ؟

عن جد بشكر الموقع كتير كتير لهالمبادرة الظريفة وبشكرون على تشجيعهن الكبير وبشكرك بشكل خاص ماركوس لمتابعتك واهتمامك اللي فعلاً من خلالك وخلال الموقع ممكن تصل أخباري بشكل أفضل وبيصير في متابعة وعلى فكرة أنا تلقيت اتصالات وأهلي تلقوا اتصالات من ناس برا وقت شافوا المقالة عني بالموقع وفي منون اتصلوا فيي لإجراء مقابلات
والمقالة بشكل خاص حسستني بمسؤولية أكبر صراحة تجاه الناس وصرت انتظر ردود الفعل بشكل كبير خصوصاً من أهلي ومن ردود الناس بالموقع





هي تحية من القلب أردنا أن نوجهها إليك أيتها الرائعة كندا ... إنت نجمة مضيئة انطلقت من بلدتنا ...

ونحن سوف نكون معك على الدوام محفزين وداعمين ... وموقع كفربو يقدم هذه المقابلة بشكل مبدئي كتكريم
وسوف نتابعك على الدوام ... وسوف ننتظرك دائماً ونعد السنين أياماً أيام ... حتى تصبحين سندريلا الشاشة السورية بشكل مطلق وتواصلين تحقيق الأحلام ...

منقول من موقع كفربو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
السندريلا كندا حنا في لقاء حصري
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(¯`·._.·(♥منتديات ربيع الشاشهـ إمارات رزق♥)·._.·´¯) :: ♥***الـــفـــن***♥ :: الدراما السوريه-
انتقل الى: